कठमान्डु एक शहर
अनेक बिम्बहरुको शहर
असङ्ख्य रहरहरुको शहर
रहर भित्र कहर लुकाउने शहर
अर्थात
यसका नाम छन अनेक
उहिले यसलाइ भनिन्थ्यो
संसारको कान्तिपुरी नगरी
कान्तिको रङ्ग हराएपछी
यो शहर भयो काठमाण्डौ
अझै कसै कसैले काठमाण्डु लेख्छन
जसले जे लेखे पनि
जसले जे देखे पनि
जसले जे गरे पनि
यो सहर चुपचाप हेरि बस्छ
यो शहरमा के भएन र
आधुनिक नेपालको सपना यहि देखियो
पुर्वमा टिष्टा यहि बाट पुग्यौ
पश्चिममा कागडा यहिबाट पुगियो
अन्तिममा मेची र कालीमा झरियो
कोतपर्वको रचना यहि शहरमा रचियो
राजदरवार हत्याकाण्डको कथा यहि कुनामा रचियो
प्रजातन्त्र,पन्चायत लोकतन्त्रको कथा कतै लेखियो होला
तर यसको नाटक यहि खेलियो/देखाइयो
अनेकौ नाकबन्दी झेल्यो यो शहरले
काठमाण्डौको कहर कसले बुझ्यो र
न पुर्खाहरुले बुझे, न त अहिलेका मुर्खहरुले बुझे
सबैमा चेतना भया, सबैमा चेतना आया
No comments:
Post a Comment