डोल्पा को यात्रा
अनेक दिनको पदयात्रा
पाइलै पिच्छे झर्ने झरनाहरु
पाइल्यै पिच्छे कलकल गर्ने खोलाहरु
खुला आकाश
आकाशमुनी बादलका धर्साहरु
त्यसमुनी उड्ने अनेक चराहरु
रातभरी चम्कने जुन अनि ताराहरु
पाइल्यै पिच्छे झरनाहरु सुसेल्छन
रुखै पिच्छे चराहरु गित गुनगुनाउछन
प्रत्येक फुलहरु हावाको झक्कामा नाच्छन
खोलाहरुले मिलेर रेईं रेईं सारङ्गी रेट्छन
यो यात्रा यो आकाश
चराहरु उड्छन बदलसङ्गै घुम्छन
शुन्यतामा आउँछन शुन्यतामै हराउँछन
कस्तो अचम्म कस्तो संसार
क्या अचम्मको डोल्पा
से फोक्सुन्डो तालमा तरङ्ग आउदा
से गोम्बाको झन्डामा उमङ्ग देखिन्छ
काङ्ला पासमा गइ उभिदा
काञ्जिरोवाले नमस्कार भन्छ
No comments:
Post a Comment