म हजारौ लाखौ
गल्ती हरुको पाहाड हुं
म गल्तीहरुको चुचुरोमा वसेर
आफ्नै गल्तीहरु पढ्दै छु
ती गल्ती भित्रको
पत्र पत्र केलाउदै छु
अनि केही जानी जानी
केही अञ्जानमा भएका
ती गल्ती अनि मुर्खतामा
म मरी मरी हाँसीरहेको छु
अनि आफैलाइ भनी रहेको छु
त कति खराब थिइस
ल हेर
आफैलाइ आफैतिर फर्काएर
दायाँ बायाँ घोप्ट्याएर
आफैले आफैलाइ प्रश्न तेर्स्याएर
आफैले आफैलाइ
सोधे पछि थाहा भो
म त केही पनि होइन रहेछ
मात्र गल्ती र अहङ्कारहरुको
भव्य पहाड रहेछु
दिन दिनै
आफैलाइ थाहै नदिइ
अहङ्कारको उचाइ बढाउँदै रहेछु
जुन दिन यो ढन्छ
त्यो दिन
अहंकार र अहम सकिन्छ
अनि नवीन म जन्मिन्छु
No comments:
Post a Comment